Hasiera

ALBISTEAK

2019-04-24

AZOKAN EUSKARA ARNASTEN DA

Herriko gazteek euskararen erabileraren berri eman eta etorkizunerako proposamenak egin dituzte

 

Azken kale-neurketaren arabera, euskararen erabilerak gora egin du Ordizian, eta etorkizunean ere gora egiten jarraitzeko, beharrezkoa izango da euskara erabiltzeko eremuak zabaltzea eta indartzea. Eremu horietako bat, hain zuzen ere, Ordiziako asteroko Azoka da, Ordiziaren ikur eta bereizgarri nagusietako bat, herriari bizitasuna eta arnasa ematen diona; euskararen erabilerari dagokionez, askok jotzen dute Ordiziako azoka euskararen arnasgunetzat, alegia, euskara nagusi den eremutzat.

Hori horrela den jakiteko eta etorkizunean ere izateko, Ordiziako Udalak asteroko Azokako euskararen erabileraren diagnosia egitea erabaki zuen Elhuyar Aholkularitzarekin elkarlanean, baina eginkizun horretan bereziki inplikatu nahi izan zituzten herriko gazteak; izan ere, gazteak izango dira etorkizuneko helduak, Azoka bizirik mantenduko dutenak. Horrela, proiektuan parte hartzeko gonbita egin zieten Jakintza ikastolako eta Oianguren Institutuko irakasleei eta ikasleei.

Elkarlan horren EMAITZEN BERRI emateko elkartu ziren ostiralean Ordiziako Plaza Nagusian ikastetxeetako gazteak eta aipatutako eragileak.

Gehiago irakurri

2019-04-01

irudia

2018KO ERRENTA AITORPENA. EGIZU EUSKARAZ!

2018ko Errenta aitorpena egiteko garaia iritsi da. Ordiziako, Beasaingo eta Lazkaoko udalek kanpaina bat antolatu dute errenta aitorpena euskaraz egitera bultzatzeko.

Kanpainaren helburua da euskaraz egiten diren errenta aitorpen kopurua handitzea eta horretarako herritarrei jarraibideak eskaintzea.

Aipagarri da azken 9 urteotan, 2009tik 2017ra,   bikoiztu egin dela hiru herriotan euskaraz egin diren errenta aitorpenen portzentajea:

Ordizian %8,29tik %19,71ra, Beasainen %8,37tik %18,54ra eta Lazkaon %15,52tik %27,47ra.

Euskarak Goierrin aurrera egin dezan nahi badugu behintzat, garrantzitsua da zergadun euskaldunek aitorpena euskaraz egiteko urratsak egitea; hau da, gutako bakoitzak hikuntza hautatzeko dugun aukeraz baliatzea.

EGIZU EUSKARAZ!

 

Gehiago irakurri

2018-10-18

AURKEZPEN FESTA

Ordiziako Euskaraldia Batzordeak Aurkezpen festa antolatu du urriaren 26an, 19:00etan, Plaza Nagusian. Egin bat Euskaraldiarekin eta zatoz!

 

Gehiago irakurri

2018-09-27

ORDIZIAN EUSKARALDIA ANTOLATZEKO BILERA

 

Euskaraldian izena emateko aukera www.euskaraldia.eus atarian zabalik dago. Besteak beste, horixe azaldu zuten Ordiziako Udalak eta Hitzaro euskara elkarteak hilaren 25ean Barrenan antolatutako informazio bileran.

Euskaltzaleen Topaguneak, Euskaraldiaren koordinazio orokorrak, ekimena antolatzeko herrien esku jarritako baliabideen berri izan zuten bertaratutako ikastetxeetako, euskaltegiko, elkarteetako ordezkariek nahiz herritarrek.

Orain baliabide horiek Ordiziara nola egokitu eta herriko eragileen eta norbanakoen proposamenak entzuteko eta antolaketarako garaia da. Horretarako urriaren 1ean antolaketa bilerarako gonbidapena luzatu dute.

 

Gehiago irakurri

LAGUNTZA ONLINE

AGENDA

ATZERA Urria 2019 Aurrera
 123456
78910111213
14151617181920
21222324252627
28293031   

© 2010 - Ordiziako Euskara Atala
XHTML | CSS | WAI-A | Lege oharra | Kontaktua
iametza interaktiboak garatuta

gora itzuli